இலங்கையில் கொரோனா வைரஸ் தொற்றினால் பாதிக்கப்பட்ட மேலும் 941 பேர் நேற்று (புதன்கிழமை) அடையாளம் காணப்பட்டுள்ளனர்.
இதற்கமைய கொரோனா வைரஸ் தொற்றினால் பாதிக்கப்பட்டோரின் மொத்த எண்ணிக்கை 5 இலட்சத்து 16 ஆயிரத்து 465 ஆக அதிகரித்துள்ளது.
இவர்களில் 46 ஆயிரத்து 761 பேர் கொரோனா வைரஸ் தொற்றுக்கு தொடர்ந்து வைத்தியசாலைகளில் சிகிச்சைப் பெற்று வருகின்றனர்.
இதேவேளை மேலும் 61 பேர் கொரோனா வைரஸ் தொற்றினால் உயிரிழந்துள்ளனர். இதில் 30 தொடக்கம் 59 வயதுக்கிடைப்பட்டவர்களில் 9 ஆண்களும் 5 பெண்களுமாக 14 பேரும் 60 வயதுக்கு மேற்பட்டவர்களில் 16 ஆண்களும் 31 பெண்களுமாக 47 பேரும் உயிரிழந்துள்ளனர்.
இதன்படி கொரோனா வைரஸ் தொற்றினால் உயிரிழந்தவர்களின் மொத்த எண்ணிக்கை 12 ஆயிரத்து 847 ஆக உயர்வடைந்துள்ளது.
இதற்கிடையில் நேற்றைய தினம், கொரோனா தொற்றால் பாதிக்கப்பட்ட மேலும் 770 பேர் குணமடைந்து வீடு திரும்பியுள்ளனர்.
இதற்கமைய கொரோனா தொற்றிலிருந்து குணமடைந்தவர்களின் மொத்த எண்ணிக்கை 4 இலட்சத்து 56 ஆயிரத்து 587 ஆக அதிகரித்துள்ளமை குறிப்பிடத்தக்கது.
