திருகோணமலை- அக்போபுர பொலிஸ் பிரிவுக்குட்பட்ட பகுதியில் சட்டவிரோத முறையில் மணல் அகழ்வில் ஈடுபட்ட ஆறு உழவு இயந்திரங்களுடன் ஆறு சந்தேகநபர்களை பொலிஸார் கைது செய்துள்ளனர்.
கந்தளாய் மற்றும் அக்போபுர பகுதியைச் சேர்ந்தவர்களே இவ்வாறு கைது செய்யப்பட்டுள்ளதாக பொலிஸார் கூறியுள்ளனர்.
அக்போபுர சீனி அலை மூன்றாவது வலயத்தில் சட்டவிரோதமான முறையில் மணல் அகழ்வில் ஈடுபட்டபோது சூரியபுர விசேடஅதிரடி படையினரால் பொலிஸாருக்கு கிடைத்த தகவலின் அடிப்படையில், சூரியபுர விசேட பொலிஸாரும் அக்போபுர பொலிஸாரும் இணைந்து அவர்களை கைது செய்துள்ளனர்.
இந்நிலையில் சந்தேகநபர்களை கந்தளாய் நீதிமன்றில் நீதிவான் முன்னிலையில் ஆஜர்படுத்த பொலிஸார் நடவடிக்கை மேற்கொண்டுள்ளனர்.
