11 இளைஞர்களை கடத்திச் சென்று காணாமல் ஆக்கப்பட்டதாக குற்றம்சாட்டப்பட்டுள்ள லெப்டினன் கமாண்டர் சந்தன பிரசாத் ஹெட்டியாரச்சிக்கு அடைக்கலம் வழங்கியதாக கூறப்படும் சம்பவம் தொடர்பில் முன்னாள் கடற்படை தளபதி அட்மிரல் ரவீந்திர விஜேகுணரத்ன உள்ளிட்ட 3 பேருக்கு எதிரான வழக்கு விசாரணை பிற்போடப்பட்டுள்ளது.
இன்று (வியாழக்கிழமை), கொழும்பு கோட்டை நீதவான் பிரியன்த லியனகே முன்னிலையில் குறித்த வழக்கு விசாரணைக்கு எடுத்துக்கொள்ளப்பட்டபோதே, எதிர்வரும் ஆண்டு மே மாதம் 11 ஆம் திகதி வரை பிற்போடப்படுவதாக உத்தரவு பிறப்பித்துள்ளார்.
