தென்னாபிரிக்க ஜனாதிபதி சிரில் ராமபோசா, கொரோனா வைரஸ் (கொவிட்-19) தொற்றினால், பாதிக்கப்பட்டுள்ளதாக ஜனாதிபதி அலுவலகம் தெரிவித்துள்ளது.
நேர்மறை சோதனை செய்த ஜனாதிபதி சிரில் ராமபோசா, தற்போது லேசான சிகிச்சை பெற்று வருகிறார்.
அவர் கேப்டவுனில் சுயமாக தனிமைப்படுத்தப்பட்டுள்ளார் மற்றும் தென்னாபிரிக்க இராணுவ சுகாதார சேவையால் கண்காணிக்கப்பட்டு வருகிறார் என்று ஜனாதிபதி அலுவலகம் வெளியிட்டுள்ள அறிக்கையில் தெரிவிக்கப்பட்டுள்ளது.
இதனிடையே அடுத்த வாரத்துக்கான அனைத்துப் பொறுப்புகளையும் துணை ஜனாதிபதி டேவிட் மபுசாவிடம் ஒப்படைத்துள்ளார்.
69 வயதான ரமபோசா, முழுமையாக தடுப்பூசி போட்டுள்ளார். அவர் ஓமிக்ரான் கொரோனா வைரஸ் மாறுபாட்டால் பாதிக்கப்பட்டாரா என்று அந்த அறிக்கையில் கூறப்படவில்லை.
கடந்த வாரம், ரமபோசா நான்கு மேற்கு ஆபிரிக்க நாடுகளுக்குச் சென்றார் பயணத்தின் போது ஒவ்வொரு நாட்டிலும் கொவிட்-19 பரிசோதனைக்கு உட்படுத்தப்பட்டார். தூதுக்குழுவில் உள்ள சிலர் நைஜீரியாவில் நேர்மறை சோதனை செய்து நேரடியாக தென்னாபிரிக்காவிற்கு திரும்பினர். மீதமுள்ள பயணத்தில், ரமபோசா மற்றும் அவரது பிரதிநிதிகள் கலந்துக் கொண்டனர்.
