மியாமி பகிரங்க டென்னிஸ் தொடரின் காலிறுதிப் போட்டிகளில், நோர்வேயின் காஸ்பர் ரூட் மற்றும் போலந்தின் இகா ஸ்விடெக் ஆகியோர் வெற்றிபெற்று அரையிறுதிக்கு முன்னேறியுள்ளனர்.
ஆண்களுக்கான ஒற்றையர் பிரிவு காலிறுதிப் போட்டியில், நோர்வேயின் காஸ்பர் ரூட், ஜேர்மனியின் அலெக்ஸாண்டர் ஸ்வெரவ்வை எதிர்கொண்டார்.
பரபரப்பாக நடைபெற்ற இப்போட்டியில், காஸ்பர் ரூட், 6-3, 1-6, 6-3 என்ற செட் கணக்குகளில் வெற்றிபெற்று அரையிறுதிக்கு முன்னேறினார்.
பெண்களுக்கான ஒற்றையர் பிரிவு காலிறுதிப் போட்டியில், போலந்தின் இகா ஸ்விடெக்கும் செக். குடியரசின் பெட்ரா கிவிட்டோவாவும் மோதினர்.
விறுவிறுப்பாக நடைபெற்ற இப்போட்டியில், இகா ஸ்விடெக், 6-3, 6-3 என்ற நேர் செட் கணக்குகளில் வெற்றிபெற்ற அரையிறுதிக்குள் நுழைந்தார்.
