முற்றுகையிடப்பட்டுள்ள சபோரிஜியா அணுமின் நிலையத்தை நோக்கி துப்பாக்கிச் சூடு நடத்தும் ரஷ்யப் படையினர் பாதுகாப்புப் படையினரால் குறிவைக்கப்படுவார்கள் என உக்ரைன் ஜனாதிபதி எச்சரித்துள்ளார்.
மார்ச் மாதம் நடந்த கடும் சண்டைக்குப் பின்னர் ரஷ்யா குறித்த ஆலையை இராணுவ தளமாக மாற்றி, அதை அணு ஆயுத அச்சுறுத்தலாக பயன்படுத்துவதாகவும் அவர் குற்றம் சாட்டியுள்ளார்.
ஐரோப்பாவின் மிகப்பெரிய அணுமின் நிலையமான சபோரிஜியா, தெற்கு உக்ரேனிய நகரமான நிகோபோலில் மூலோபாய முக்கியத்துவம் வாய்ந்த இடத்தில் அமைந்துள்ளது.
இந்த தளம் ரஷ்ய ஆக்கிரமிப்பில் இருந்தாலும், உக்ரேனிய தொழில்நுட்ப நிபுணர்களினால் குறித்த அணுமின் நிலையம் இன்னும் இயங்குகின்றது.
இந்த வார தொடக்கத்தில், இந்த அணுமின் நிலையம் மீதான பீரங்கித் தாக்குதல் சர்வதேச கண்டனங்களுக்கு வழிவகுத்துள்ள நிலையில் ரஷ்யாவும் உக்ரைனும் ஒருவரையொருவர் குற்றம் சாட்டிவருகின்றனர்.
இந்நிலையில் ஆலை மீது துப்பாக்கிச் பிரயோகத்தை மேற்கொண்டு ரஷ்யா தொடர்ச்சியாக ஆத்திரமூட்டம் நடவடிக்கையில் ஈடுபட்டதாக உக்ரைன் ஜனாதிபதி குற்றம் சாட்டியுள்ளார்.
மேலும் ரஷ்யாவின் கட்டுப்பாட்டில் ஆலை தொடர்ந்தும் இருப்பது ஐரோப்பாவிற்கு கதிர்வீச்சு அச்சுறுத்தலை அதிகரிக்கிறது என்றும் உக்ரைன் ஜனாதிபதி குறிப்பிட்டுள்ளார்.
