இலங்கையில் கொரோனா வைரஸ் தொற்றினால் மேலும் 4 பேர் உயிரிழந்துள்ளதாக அரசாங்கத் தகவல் திணைக்களம் தெரிவித்துள்ளது.
அவர்களில் 3 ஆண்களும் ஒரு பெண்ணும் அடங்குவதாகவும் 30 முதல் 59 வயதுக்குட்பட்ட ஆண் ஒருவரும் 60 வயதுக்கு மேற்பட்ட மூவருமே இவ்வாறு உயிரிழந்துள்ளதாகவும் தெரிவிக்கப்படுகிறது.
இதன்படி, இலங்கையில் கொரோனா வைரஸ் தொற்றினால் உயிரிழந்தவர்களின் மொத்த எண்ணிக்கை 16 ஆயிரத்து 711 ஆக பதிவாகியுள்ளது.
இதேநேரம், இலங்கையில் கொரோனா வைரஸால் பாதிக்கப்பட்ட மேலும் 49 பேர் புதிதாக அடையாளம் காணப்பட்டுள்ளனர்.
அதன்படி, இலங்கையில் கொரோனா வைரஸ் தொற்றினால் பாதிக்கப்பட்டவர்களின் மொத்த எண்ணிக்கை 6 இலட்சத்து 70 ஆயிரத்து 176 ஆக பதிவாகியுள்ளது.
