ஆண்டின் இறுதி கிராண்ட்ஸ்லாம் அந்தஸ்து பெற்ற அமெரிக்க பகிரங்க டென்னிஸ் தொடரின் நான்காவது சுற்றுப் போட்டியின் ஆண்கள் ஒற்றையர் பிரிவில் ஸ்பெயினின் முன்னணி வீரரான ரபேல் நடால் அதிர்ச்சி தோல்வியடைந்துள்ளார்.
இதேவேளை, பெண்கள் ஒற்றையர் பிரிவில் செக்குடியரசின் கரோலினா பிளிஸ்கோவா வெற்றிபெற்று காலிறுதிக்கு முன்னேறியுள்ளார்.
இதில் ஆண்களுக்கான ஒற்றையர் பிரிவு நான்காவது சுற்றுப் போட்டியில், ஸ்பெயினின் முன்னணி வீரரான ரபேல் நடால், அமெரிக்காவின் பிரான்சிஸ் டியாஃபோவுடன் மோதினார்.
இப்போட்டியில், சிறப்பாக விளையாடிய பிரான்சிஸ் டியாஃபோ, 6-4, 4-6, 6-4, 6-3 என்ற செட் கணக்குகளில் வெற்றிபெற்று காலிறுதிக்கு முன்னேறியுள்ளார்.
இதேபோல, பெண்களுக்கான ஒற்றையர் பிரிவு இரண்டாவது சுற்றுப் போட்டியில், செக்குடியரசின் கரோலினா பிளிஸ்கோவா, பெலராஸின் விக்டோரியா அசரென்காவை எதிர்கொண்டார்.
இப்போட்டியில், கரோலினா பிளிஸ்கோவா, 7-5, 6-7, 6-2 என்ற செட் கணக்குகளில் வெற்றிபெற்று காலிறுதிக்கு முன்னேறினார்.
