பாண் உள்ளிட்ட வெதுப்பக உற்பத்தி பொருட்களின் விலைகளை குறைக்க முடியாது என அகில இலங்கை வெதுப்பக உரிமையாளர்கள் சங்கம் தெரிவித்துள்ளது.
கோதுமை மா கிலோ ஒன்றின் மொத்த விலை 25 ரூபாயால் குறைக்கப்பட்டுள்ள போதிலும் வெதுப்பக பொருட்களின் விலைகளை குறைக்க முடியாது என அந்தச் சங்கத்தின் தலைவர் என்.கே ஜயவர்த்தன தெரிவித்தார்.
கோதுமை மாவின் விலை 270 ரூபாால் அதிகரிக்கப்பட்ட போதே பாணின் விலையை தாங்கள் அதிகரித்தோம் என்றும் கோதுமைமாவின் விலை 400 ரூபாயாக உயர்த்தப்பட்ட போதிலும் பாண் இறாத்தல் ஒன்றின் விலை அதிகரிக்கப்படவில்லை என்றும் அவர் குறிப்பிட்டார்.
400 ரூபாய் என்ற ஒரு கிலோ கிராம் கோதுமை மாவின் விலையை 100 ரூபாயால் குறைப்பதால் பாணின் விலையை குறைக்க முடியாது என்றும் அவர் தெரிவித்தார்.
பாண் மற்றும் பணிஸ் ஆகியவற்றின் விலைகளை குறைக்க வேண்டுமாயின் கோதுமை மாவை விநியோகிக்கும் இரண்டு பிரதான நிறுவனங்கள் கோதுமையின் விலையை குறைக்க வேண்டும் எனவும் அவர் குறிப்பிட்டார்.
