தமிழ்நாட்டில் வாழும் மலையக தமிழர்களை பாதுகாக்க நடவடிக்கை எடுக்கப்படும் என தமிழ்நாட்டு சட்டமன்ற உறுப்பினர் ஜெயசீலனிடம் இலங்கை தொழிலாளர் காங்கிரஸ் உறுதியளித்துள்ளது.
தமிழ்நாட்டு சட்டமன்ற உறுப்பினர் ஜெயசீலன் இலங்கையிலிருந்து இந்தியாவுக்குத் புலம்பெயர்ந்து TANTEA தோட்டங்களில் வசிக்கும் மலையக தமிழர்கள் தற்போது எதிர்க்கொள்ளும் நெருக்கடிகள் குறித்து இ.தொ.கா. தலைவர் செந்தில் தொண்டமானுடன் கலந்துரையாடினார்.
இலங்கையில் இருந்து இந்தியாவிற்கு புலம்பெயர்ந்த தமிழர்களுக்கு ஆதரவளிக்க வேண்டிய தார்மீகக் கடமை இலங்கை தொழிலாளர் காங்கிரஸுக்கு உண்டு என இ.தொ.கா. தலைவர் செந்தில் தொண்டமான் தெரிவித்துள்ளார்.
அவர்களின் வாழ்வாதாரத்தை மீட்டெடுக்க தமிழக அரசு மற்றும் இந்திய அரசுடன் கலந்துரையாடுவதாக இதன்போது அவர் மேலும் தெரிவித்துள்ளார்.
