ஆடவர் உலகக்கிண்ண இருபதுக்கு இருபது தொடரின் இறுதிப்போட்டியில் பாக்கிஸ்தான் அணியை 5 விக்கெட்களால் வீழ்த்தி இங்கிலாந்து அணிக்கு மகுடம் சூடியுள்ளது.
மெல்போர்ன் மைதானத்தில் நடைபெற்றுவரும் இப்போட்டியில் நாணய சுழற்சியில் வெற்றிபெற்ற இங்கிலாந்து அணி முதலில் களத்தடுப்பில் ஈடுபட தீர்மானித்தது.
அதன்படி முதலில் களமிறங்கிய பாக்கிஸ்தான் அணி நிர்ணயிக்கப்பட்ட 20 ஓவர்கள் நிறைவில் 8 விக்கெட்களை இழந்து 137 ஓட்டங்களை பெற்றுக்கொண்டது.
அவ்வணி சார்பாக ஷான் மசூத் 38 ஓட்டங்களை அணித்தலைவர் பாபர் அசாம் 32 ஓட்டங்களை அதிகபட்சமாக பெற்றுக்கொடுக்க பந்துவீச்சில் சாம் கரன் 3 விக்கெட்களை சாய்த்தார்.
இதனை தொடர்ந்து பதிலுக்கு துடுப்பெடுத்தாடிய இங்கிலாந்து அணி 19 ஓவர்கள் நிறைவில் 5 விக்கெட்களை மாத்திரமே இழந்து வெற்றி இலக்கை கடந்தது.
இதன் காரணமாக ஆடவர் உலகக்கிண்ண இருபதுக்கு இருபது தொடரை வென்று இங்கிலாந்து அணி சம்பியன்பட்டம் வென்றுள்ளது.
