ஆப்கானிஸ்தானில் உள்ள அனைத்து அரச மற்றும் தனியார் பல்கலைகழகங்களில் பெண்கள் படிக்க இடைக்கால தடை விதித்து தலிபான் அரசாங்கம் உத்தரவிட்டுள்ளது.
கடந்த ஒரு ஆண்டிற்கும் முன்பாக தாலிபான் அமைப்பு ஆப்கானிஸ்தானில் ஆட்சியை கைப்பற்றியது.
அதனை தொடர்ந்து ஆப்கானிஸ்தானில் பல்வேறு புதிய கட்டுப்பாடுகள், அடக்குமுறைகளை தாலிபான்கள் அமுல்படுத்தி வருகின்றனர்.
முக்கியமாக பெண்களுக்கு எதிராக பல்வேறு கட்டுப்பாடுகள் விதிக்கப்பட்டுள்ளன.
ஆண்கள் துணையின்றி பொது இடங்களுக்கு செல்ல தடை, விமானத்தில் பயணிக்க தடை, ஆடை கட்டுப்பாடு என பல்வேறு கட்டுப்பாடுகள், தடைகள் விதிக்கப்பட்டுள்ளன.
அதனை தொடர்ந்து தற்போது பெண்கள் பல்கலைக்கழகங்களுக்கு சென்று படிக்கவும் இடைக்கால தடை விதித்து தாலிபான் அரசாங்கம் உத்தரவிட்டுள்ளது.
மறு அறிவிப்பு வரும் வரை பெண்கள் கல்லூரிகளுக்கு நுழையக்கூடாது என ஆப்கானிஸ்தான் உயர்கல்வி அமைச்சு உத்தரவிட்டுள்ளது.
