பொருளாதார வீழ்ச்சியால் பாதிக்கப்பட்ட நாட்டை சரியான நேரத்தில் பொறுப்பேற்று ஜனாதிபதி உரிய திட்டங்களை செயற்படுத்திவருவதாக ஐக்கிய தேசியக் கட்சி தெரிவித்துள்ளது.
குறித்த காலத்தில் கடினமான பொறுப்பை தயக்கமின்றி தோல்மீது சுமந்துகொண்டவர் ரணில் விக்ரமசிங்க என்றும் அக்கட்சியின் பிரதித் தலைவர் ருவான் விஜேவர்த்தன தெரிவித்தார்.
ஆயிரக்கணக்கான சவால்களுக்கு மத்தியில் ஜனாதிபதி, செயற்படுத்திய வேலைத்திட்டங்கள் காரணமாகவே நாடு தற்போது புத்துயிர் பெறுவதாகவும் சுட்டிக்காட்டினார்.
மேலும் கடந்த வருடத்தில் பெற்றுக்கொண்ட பாரிய அனுபவங்களுடன் இந்த புதுவருடத்தில் முன்னோக்கி செல்ல வேண்டும் என்றும் ருவான் விஜேவர்த்தன தெரிவித்தார்.
ஆகவே பொருளாதார நெருக்கடிக்கு தீர்வுகாண அனைவரும் ஒன்றிணைந்து அர்ப்பணிப்புடன் செயற்பட வேண்டும் என ருவான் விஜேவர்த்தன கேட்டுக்கொண்டார்.
