அவுஸ்ரேலியாவில் இடம்பெற்ற ஹெலிகொப்டர்கள் விபத்தில் பிரித்தானிய தம்பதியினர் உயிரிழந்துள்ளதாக அதிகாரிகள் தெரிவித்துள்ளனர்.
குயின்ஸ்லாந்தின் கோல்ட் கோஸ்ட்டில் உள்ள சீ வேர்ல்ட் அருகே நேற்று (திங்கட்கிழமை) இந்த விபத்து ஏற்பட்டது.
இதில் பிரித்தானிய தம்பதியினர் மற்றும் இரண்டு அவுஸ்ரேலியர்கள் உயிரிழந்துள்ளனர். இரண்டு சிறுவர்கள் உட்பட மூன்று பேர் பலத்த காயமடைந்தனர்.
விபத்துக்கான காரணம் இதுவரை தெரியவில்லை. ஒரு ஹெலிகொப்டர் மணல்பரப்பில் இருந்து புறப்பட்டு, தரையிறங்கிய மற்றொரு விமானத்தின் மீது மோதியதாக அதிகாரிகள் கூறுகின்றனர்.
இறந்தவர்கள் மற்றும் படுகாயமடைந்தவர்கள் அனைவரும் ஏறும் ஹெலிகொப்டரில் இருந்தனர், அதன் முக்கிய ரோட்டர் பிளேட் மற்ற விமானத்தின் காக்பிட்டைத் தாக்கிய சில நொடிகளில் விபத்துக்குள்ளானது என்று அவுஸ்ரேலிய போக்குவரத்து பாதுகாப்பு பணியகம் தெரிவித்துள்ளது.
இரண்டாவது ஹெலிகொப்டர் மணல் கரையில் நிமிர்ந்து தரையிறங்கியது. விமானத்தில் இருந்த 6பேரில் ஐந்து பேருக்கு லேசான காயம் ஏற்பட்டது.
