2023 பெப்ரவரி மாதம் முதல் 26 நாட்களுக்குள் இலங்கைக்கு ஒரு இலட்சம் சுற்றுலாப் பயணிகள் வருகை தந்துள்ளதாக சுற்றுலா அமைச்சர் ஹரின் பெர்னாண்டோ தெரிவித்துள்ளார்.
இலங்கை சுற்றுலா அபிவிருத்தி அதிகார சபையினால் வெளியிடப்பட்ட புள்ளிவிபரங்களின்படி, இந்த ஆண்டு ஜனவரியில் மொத்தம் 102,545 சுற்றுலாப் பயணிகள் வருகை தந்துள்ளனர்.
இது இலங்கையின் சுற்றுலாத் துறையின் இரண்டாவது மிகப்பெரிய சுற்றுலா வருகை மாதமாக அமைந்துள்ளது.
மேலும், எதிர்வரும் மாதங்களில் நாட்டில் சிறந்த பருவநிலை நிலவுமென்பதால், சுற்றுலாப் பயணிகளின் எண்ணிக்கை அதிகரிக்ககூடுமென நம்பிக்கை வெளியிடப்பட்டுள்ளது.
பெப்ரவரி மாதம் இந்த நாட்டிற்கு வந்த சுற்றுலாப் பயணிகளில் பெரும்பாலானோர் ரஷ்ய பிரஜைகள் எனத் தெரிவிக்கப்படுகிறது.
அதுமட்டுமின்றி, இந்தியா, பிரித்தானியா, ஜேர்மனி, பிரான்ஸ், அவுஸ்ரேலியா, கனடா, அமெரிக்கா மற்றும் இஸ்ரேல் ஆகிய நாடுகளில் இருந்தும் சுற்றுலா பயணிகள் வருகை வந்துள்ளனர்.
