தென்னாபிரிக்க அணிக்கெதிரான மூன்றாவது இருபதுக்கு இருபது போட்டியில் மேற்கிந்திய தீவுகள் அணி 7 ஓட்டங்களினால் வெற்றி பெற்றுள்ளது.
இந்த போட்டியின் நாணய சுழற்சியில் வெற்றி பெற்ற தென்னாபிரிக்க அணி களத்தடுப்பில் ஈடுபட தீர்மானித்தது.
இதற்கமைய முதலில் துடுப்பெடுத்தாட களமிறங்கிய மேற்கிந்திய தீவுகள் அணி 20 ஓவர்கள் நிறைவில் 8 விக்கட்டுக்களை இழந்து 220 ஓட்டங்களை பெற்றுக்கொண்டது.
துடுப்பாட்டத்தில் நிக்கலஸ் பூரான் 41 ஓட்டங்களை பெற்றுக்கொடுத்தார்.
இதனைத் தொடர்ந்து 221 ஓட்டங்கள் என்ற வெற்றியிலக்கினை நோக்கி துடுப்பெடுத்தாட களமிறங்கிய தென்னாபிரிக்க அணி 20 ஓவர்கள் நிறைவில் 6 விக்கட்டுக்களை இழந்து 213 ஓட்டங்களை பெற்று 7 ஓட்டங்களினால் தோல்வியடைந்துள்ளது.
இந்த வெற்றியின் மூலம் மூன்று போட்டிகளைக் கொண்ட இருபதுக்கு இருபது தொடரை மேற்கிந்திய தீவுகள் அணி இரண்டுக்கு ஒன்று என்ற அடிப்படையில் கைப்பற்றியுள்ளது.
