ஐசிசி உலகக் கிண்ண கிரிக்கெட் தகுதிச் சுற்றில் இன்று புலவாயோவில் நடைபெறும் சூப்பர் சிக்ஸ் போட்டியில் இலங்கை மற்றும் சிம்பாப்வே அணிகள் மோதுகின்றன.
இலங்கை நேரப்படி மதியம் 12.30 மணிக்கு ஆட்டம் தொடங்க உள்ள இப்போட்டியில் வெற்றி பெரும் அணி இந்தியாவில் நடைபெறவுள்ள ஒருநாள் உலகக் கிண்ண தொடருக்கு நேரடியாக தகுதிபெறும்.
சிம்பாப்வே வீரர்கள் தகுதிச் சுற்றுகளின் ஆரம்ப போட்டியின் போது இரண்டு முறை சம்பியன் பட்டம் வென்ற மேற்கிந்தியத் தீவுகளை தோற்கடித்தது.
மறுபுறம் இலங்கையும் துடுப்பாட்ட தவறுகளை வெளிப்படுத்திய போதிலும் அனைத்து போட்டிகளிலும் வெற்றி பெற்றுள்ளது. இருப்பினும் சிம்பாப்வே அணிக்கு எதிராக அவர்கள் சிறப்பாக விளையாட வேண்டும்.
வேகப்பந்து வீச்சாளர் லஹிரு குமார, எஞ்சிய தகுதிச் சுற்று போட்டிகளில் இருந்து வெளியேற்றப்பட்டதால், இன்றைய ஆட்டத்தில் சஹான் ஆராச்சிகே அணிக்குள் சேர்க்கப்பட்டுள்ளார்.
