மட்டக்களப்பு தாந்தாமலை அருள்குமி முருகன் ஆலயத்தின் வருடாந்த மஹோற்சவம்!

இலங்கையில் உள்ள மிக பழமையான முருகன் ஆலயங்களுள் ஒன்றாக கருதப்படும் கிழக்கு மாகாணத்தின் பிரசித்திபெற்ற மட்டக்களப்பு தாந்தாமலை அருள்குமி முருகன் ஆலயத்தின் வருடாந்த மஹோற்சவம் கொடியேற்றத்துடன் ஆரம்பமானது.

உலகநாச்சி அரசியினால் புனரமைக்கப்பட்டு காலம்காலமாக உற்சவம் தமிழர்களின் பண்பாடுகளுடனும் அதே பாரம்பரியத்துடன் உற்சவம் நடைபெற்று வருகின்றது.

ஆலயத்தின் பிரதமகுரு சிவஸ்ரீ மு.கு.சச்சிதானந்த குருக்கள் தலைமையிலான சிவாச்சாரியர் தலைமையில் இந்த வருடாந்த மஹோற்சவம் நடைபெற்றது.

நேற்றுக் காலை தாந்தாமலையில் உள்ள மலைப்பிள்ளையார் ஆலயத்தில் கொடியேற்றம் செய்யப்பட்டு விசேட பூஜைகள் நடைபெற்றன.

ஆதனை தொடர்ந்து முருகன் ஆலயத்தில் விசேட பூஜைகள் நடைபெற்றதை தொடர்ந்து கொடிச்சீலை ஊர்வலமாக கொண்டுவரப்பட்டு கொடித்தம்பத்தில் விசேட பூஜையினை தொடர்ந்து கொடியேற்றம் சிறப்பாக நடைபெற்றது.
தாந்தாமலை முருகன் ஆலயத்தில் நடைபெறும் கொடியேற்றமானது ஏனைய ஆலயங்களில் நடைபெறும்

கொடியேற்றத்திற்கு வேறுபட்டு விசேட நிகழ்வாக நடைபெற்றுவருகின்றது. 18 தினங்கள் ஆலயத்தின் வருடாந்த மஹோற்சவம் நடைபெறவுள்ளதுடன் 02ஆம் திகதி தீர்த்தோற்சவம் நடைபெறவுள்ளது.