துள்ளியெழ வைக்கும் மெட்டுகளுக்கு சொந்தக் காரரான எஸ்.பி.இன் புதிய படைப்பான ‘வாடி வாடி’ பாடலின் பர்ஸ்ட் லுக் போஸ்டர், இன்று பெரும் எதிர்பார்ப்புக்கு மத்தியில் வெளியாகியுள்ளது.
சதீஷ் கிருஸ்ணனின் இசை ஆலோசனையுடன் உருவாகியுள்ள இந்தப் பாடலை சிவபவானி சர்வலோகநாதன் தயாரித்துள்ளார். ரோய் ஜெக்ஸன் மற்றும் ரம்யா தயாபரன் ஆகியோர் இந்த பாடலை பாடியுள்ளனர்.
வியக்க வைக்கும் தனது அனிமேஷன் நுட்பத்தை பாடலுக்கு பாடல் மெருகேற்றும் நிரா சாமி, வெளியாகவிருக்கும் இந்த பாடலுக்கும் புது முயற்சியை வடிவமைத்திருப்பதாக அறிய முடிகின்றது.
முன்னதாக இலங்கையில் வெளியாகிய பல வெற்றி பாடல்களுக்கு பின்னாலிருக்கும் நிரா சாமியின் கை வண்ணம், இந்தப் பாடலிலும் மெருகேற்றப்பட்டிருக்குமா என்பதை பொறுத்திருந்து தான் பார்க்க வேண்டும்.
தொடர்ந்து நான்கு வெற்றிப்பாடல்களை வெளியிட்டு இரசிகர்கள் மத்தியில் நீங்காத இடத்தை பிடித்துள்ள எஸ்.பி, இம்முறையும் அதை செய்ய துளியேனும் தவறவில்லை என்பதை மீண்டுமொரு முறை நிரூபிக்க காத்திருக்கும் அதேவேளை, எப்போதுமே புதுமையான படைப்புகளை செதுக்குவதில் கைதேர்ந்த நிரா சாமியுடனான கூட்டணி என இரட்டிப்பு மகிழ்ச்சி, இரசிகர்கள் மத்தியில் புதுவிதமான எதிர்பார்ப்பை எகிற வைத்துள்ளது.
