இங்கிலாந்து மற்றும் அவுஸ்ரேலிய அணிகளுக்கு இடையிலான ஆஷஷ் கிரிக்கெட் தொடரின் 5ஆவது டெஸ்ட் கிரிக்கெட் போட்டியின் 4ஆம் நாள் ஆட்டம் இன்று இடம்பெறவுள்ளது.
போட்டியில் தமது இரண்டாவது இன்னிங்ஸில் துடுப்பாடிவரும் இங்கிலாந்து அணி நேற்றைய மூன்றாம் நாள் ஆட்டநேர முடிவு வரை 9 விக்கட்களை இழந்து 389 ஓட்டங்களை பெற்றுள்ளது.
முன்னதாக தமது முதலாவது இன்னிங்ஸிற்காக துடுப்பாடிய அவுஸ்ரேலிய அணி சகல விக்கட்களையும் இழந்து 295 ஓட்டங்களையும் இங்கிலாந்து அணி 283 ஓட்டங்களையும் பெற்றுக் கொண்டன.
தற்போது இங்கிலாந்து அணி 377 ஓட்டங்களால் முன்னிலையில் உள்ள நிலையில் 4ஆம் நாள் ஆட்டம் இன்று இடம்பெறவுள்ளது.
ஆஷஷ் தொடரின் 4 ஆவது போட்டி சமநிலையில் முடிவடைந்ததால் 2 -1 என்ற கணக்கில் அவுஸ்ரேலியா அணி தொடரில் முன்னிலையில் உள்ளமை குறிப்பிடத்தக்கது.
