லங்கா பிரீமியர் லீக் ரி-20 தொடரின் ஐந்தாவது லீக் போட்டியில், பி-லவ் அணிக்கு காலி டைடன்ஸ் அணி 181 ஓட்டங்களை வெற்றி இலக்காக நிர்ணயித்துள்ளது.
கொழும்பு-ஆர்.பிரேமதாஸ மைதானத்தில் நடைபெற்றுவரும் இப்போட்டியில், காலி டைடன்ஸ் மற்றும் பி-லவ் அணிகள் பலப்பரீட்சை நடத்துகின்றன.
இப்போட்டியில் நாணய சுழற்சியில் வெற்றிபெற்று முதலில் துடுப்பெடுத்தாடிய காலி டைடன்ஸ் அணி, நிர்ணயிக்கப்பட்ட 20 ஓவர்கள் நிறைவில் 5 விக்கெட்டுகள் இழப்புக்கு 180 ஓட்டங்களை பெற்றுக்கொண்டது.
இதன்போது அணியின் அதிகப்பட்ச ஓட்டங்களாக டிம் செய்பர்ட் 74 ஓட்டங்களையும் சகிப் அல் ஹசன் 30 ஓட்டங்களையும் பெற்றுக்கொண்டனர்.
அதேபோல தம்புள்ளை அவுரா அணியின் பந்துவீச்சில் அமிர் ஜமால், மொஹமட் ஹஸ்னெய்ன், வனிந்து ஹசரங்க ஆகியோர் தலா 1 விக்கெட்டினையும் வீழ்த்தினர்.
இன்னமும் சில நிமிடங்களில் 181 என்ற வெற்றி இலக்கை நோக்கி பி-லவ் கண்டி துடுப்பெடுத்தாட களமிறங்கவுள்ளது.
