‘இசை பிரியன்’ எஸ்.பி.இன் கனவு படைப்பான ‘வாடி வாடி’ பாடல், பெரும் எதிர்பார்ப்புக்கு மத்தியில் இன்று வெளியாகியுள்ளது.
இசை இரசிகர்களின் தாகம் தீர்க்க வெளியாகியிருக்கும் இப்பாடலை, ரோய் ஜெக்ஸன் மற்றும் ரம்யா தயாபரன் ஆகியோர் பாடியுள்ளனர்.
சதீஷ் கிருஸ்ணனின் இசை ஆலோசனையுடன் உருவாகியுள்ள இந்தப் பாடலை சிவபவானி சர்வலோகநாதன் தயாரித்துள்ளார்.
காணொளி பாடல்களை வடிவமைத்து அதிலும் புதுமைக் கண்ட ‘இசை பிரியன்’ எஸ்.பி.க்கு, அனிமேஷன் கிங் நிரா சாமியின் அறிமுகம் காலத்தின் தேவையாகும்.
இசை இரசிகர்கள் நடப்பு காலத்துக்கு கேட்க விரும்பும் பாடல்களை இசையமைப்பதில் தீர்க்கதரிசியான எஸ்.பி.க்கு, இந்தப் பாடல் ஒரு ‘ஊக்கம்’.
இந்த பாடலை இசையமைத்துள்ள எஸ்.பி.இன் உழைப்பு இங்கு எந்த அளவு கொட்டப்பட்டிருக்கின்றதோ அதே அளவு நிரா சாமியின் அனிமேஷனும் அமைந்திருக்கின்றது என்பதை மறுப்பதற்கில்லை.
காணொளியில் மெட்டுகேற்ற அனிமேஷன் இந்தப் பாடலை அடுத்தக் கட்டத்திற்கு கொண்டுச் சென்றுள்ளது என்றால் அது மிகையாகாது.
பலரின் கனவும் கடுமையான உழைப்பும் இந்தப் பாடலை நிச்சயம் வெற்றியின் உச்சத்துக்கே கொண்டுச் செல்லும் என இயற்கையின் விதியிருக்க இந்தப்பாடல் இரசிகர்களின் மனதிலும் என்றுமே நீங்காத பாடலாக இருக்க வேண்டுமென ஆதவனும் மனதார வாழ்த்துகின்றது…
