இறந்துவிட்டார் எனக் கூறப்படும் ரஷிய வாக்னர் குழுவின் தலைவர் ‘யெவ்கெனி பிரிகோஷின்‘ உயிருடன் இருப்பதாக வெளியாகியுள்ள வீடியோவொன்று பெரும் பரபரப்பை ஏற்படுத்தியுள்ளது.
காரில் சென்றபடி அவர் பேசுவது போன்று வெளியாகியுள்ள குறித்த வீடியோவில் ”நான் தற்போது ஆப்பிரிக்காவில் இருக்கிறேன், நான் நலமாக இருக்கிறேன். இன்னும் உயிருடன் தான் இருக்கிறேன் ” என்று அவர் கூறுவது போன்று உள்ளது. எனினும் இந்த வீடியோ எங்கு எடுக்கப்பட்டது. எப்போது எடுக்கப்பட்டது? என்ற விவரம் எதுவும் தெரிவிக்கப்படவில்லை.
வீடியோவில் அவர் பேசுவது உண்மைதானா? என்ற கேள்வியும் எழுந்துள்ளது. இதனால் அவர் உயிரோடு இருக்கிறாரா?அல்லது இறந்து விட்டாரா? என்பது மர்மமாக உள்ளது. இந்நிலையில் இப் புதிய வீடியோவானது சமூக வலைதளங்களில் தற்போது வைரலாகிவருகின்றது.
கடந்த சில நாட்களுக்கு முன்பு விமான விபத்தில் வாக்னர் குழு தலைவர் யெவ்கெனி பிரிகோஷின் உள்ளிட்ட 10 பேர் உயிரிழந்துள்ளனர் எனவும் இதற்கு ரஷ்யாவே காரணம் எனவும் குற்றம் சாட்டப்பட்டிருந்தமை குறிப்பிடத்தக்கது.
