மக்களவை மற்றும் மாநில சட்டப் பேரவைகளில் பெண்களுக்கு 33 சதவீத இடஒதுக்கீடு அளிக்கும் சட்டமூலம் மக்களவையில் இன்று தாக்கல் செய்யப்பட்டுள்ளது.
நாடாளுமன்ற சிறப்புக் கூட்டத்தொடரின் முதல் நாள் அமர்வு பழைய கட்டடத்தில் நேற்று நிறைவடைந்த பின்னர் மத்திய அமைச்சரவைக் கூட்டம் இன்று ஆரம்பமானது.
இந்த கூட்டத்தில் மகளிர் இடஒதுக்கீடு சட்டமூலத்துக்கு மத்திய அமைச்சரவை ஒப்புதல் அளித்துள்ளது.
இந்த நிலையில், இன்று பிற்பகலில் புதிய நாடாளுமன்றத்தில் கூடும் முதல் மக்களவை கூட்டத்தில் இந்த சட்டமூலத்தை சட்டத்துறை இணையமைச்சர் அர்ஜூன் ராம் மேக்வால் தாக்கல் செய்துள்ளார்.
இதனைத் தொடர்ந்து, குறித்த சட்டமூலம் மீதான விவாதம் நாளை இடம்பெறவுள்ள நிலையில், குறித்த சட்டமூலம் மக்களவையில் நாளை மறுதினம் நிறைவேற்றப்படும் என இந்திய ஊடகங்கள் தெரிவித்துள்ளன.
