பாரதிய ஜனதா கட்சியின் மூத்த தலைவர் எச்.ராஜா, திடீரென ஏற்பட்ட உடல்நலக்குறைவு காரணமாக வைத்தியசாலையில் நேற்று அனுமதிக்கப்பட்டுள்ளார்.
எச்.ராஜாவுக்கு நேற்றைய தினம் திடீரென மூச்சுத் திணறலுடன் நெஞ்சு வலியும் ஏற்பட்டது. இதையடுத்து சென்னை கிரீம்ஸ் சாலையில் உள்ள அப்பல்லோ மருத்துவமனையில் அவர் அனுமதிக்கப்பட்டார்.
இந்நிலையில் மருத்துவர்கள் அவரைப் பரிசோதனை செய்ததில் அவரது இரத்தக் குழாயில் அடைப்பு ஏற்பட்டு இருப்பது தெரியவந்தது. இதையடுத்து எச்.ராஜாவுக்கு இன்று காலை இருதய சத்திர சிகிச்சை மேற்கொள்ளப்பட்டுள்ளதாகவும், அவர் தற்போது வைத்தியர்களின் கண்காணிப்பில் உள்ளார் எனவும் தெரிவிக்கப்பட்டுள்ளது.
