பாகிஸ்தானுடனான சர்வதேச எல்லைப்பகுதியில் இந்திய எல்லைப் பாதுகாப்புப் படையினர் கண்காணிப்பில் ஈடுபட்டுக் கொண்டிருந்த போது திடீர் தாக்குதல் நடத்தப்பட்டுள்ளது.
நேற்று இரவு 8 மணியளவில் துப்பாக்கிச்சூடு மற்றும் சிறிய ரக பீரங்கிகளை வீசி பாகிஸ்தான் தாக்குதல் நடத்தியது என்றும் இதற்கு பதிலடி கொடுக்கப்பட்டதாகவும் இந்திய ஊடகங்கள் தெரிவிக்கின்றன.
பாகிஸ்தான் நடத்திய இந்த தாக்குதலில் பாதுகாப்புப்படை வீரர் படுகாயமடைந்தார் என்றும் இதனால் எல்லையில் பதற்றமான சூழ்நிலை நிலவிவருவதாகவும் அறிவிக்கப்பட்டுள்ளது.
பாகிஸ்தானில் இருந்து இந்தியாவுக்குள் அத்துமீறி நுழைய முயற்சிக்கும் பயங்கரவாதிகளை தடுக்க இந்திய இராணுவம் எல்லையில் ரோந்து பணிகளில் ஈடுபட்டுவரும் நிலையில் இந்த தாக்குதல் நடத்தப்பட்டுள்ளது.
