இங்கிலாந்து பிரிமியர் லீக் கால்பந்து போட்டியில் வெஸ்ட் ஹாம் அணியும் பிரைட்டன் அணியும் மோதின. இந்த ஆட்டத்தில் இரு அணிகளும் கோல் அடிக்கத் தவறியதால் ஆட்டம் 0-0 என்று சமநிலையில் முடிந்தது.
இரு அணிகளும் இப்பருவத்தில் பலம் வாய்ந்த அணிகளாக களமாடி வருவதால் ஆட்டம் விறுவிறுப்பாக அமையும் என எதிர்பார்க்கப்பட்டது. எனினும் இரு அணிகளும் கோல் எதுவும் அடிக்காததால் ரசிகர்கள் ஏமாற்றம் அடைந்தனர்.
புள்ளிப்பட்டியலில் 34 புள்ளிகளுடன் வெஸ்ட் ஹாம் குழு ஆறாவது இடத்தில் உள்ளது. பிரைட்டன் அணி 31 புள்ளிகளுடன் ஏழாவது இடத்தில் இருக்கிறது.
புள்ளிப்பட்டியலில் லிவர்பூல் குழு 45 புள்ளிகளுடன் முதலிடத்தில் உள்ளது. 42 புள்ளிகளுடன் ஆஸ்டன் வில்லா இரண்டாவது இடத்தில் உள்ளது. மான்செஸ்டர் சிட்டி 40 புள்ளிகளுடன் மூன்றாவது நிலையில் உள்ளது.
