சிம்பாப்வே அணிக்கெதிரான ரி-20 தொடரில் விளையாடும் எதிர்பார்ப்பு மிக்க இலங்கை கிரிக்கெட் அணி விபரத்தை இலங்கை கிரிக்கெட் சபை அறிவித்துள்ளது.
வனிந்து ஹசரங்க தலைமையிலான 16பேர் கொண்ட இந்த அணியில், சரித் அசலங்க துணைத் தலைவராக நியமிக்கப்பட்டுள்ளார்.
மேலும், இந்த அணியில், குசல் மெண்டிஸ், சதீர சமரவிக்ரம, குசல் ஜனித் பெரேரா, அஞ்சலோ மத்தியூஸ், தசுன் சானக, தனஞ்சய டி சில்வா, கமிந்து மெண்டிஸ், பெத்தும் நிஸங்க (உடல்நிலையை பொறுத்து), மகேஷ் தீக்ஷன, துஷ்மந்த சமீர, தில்ஷான் மதுஷங்க, மதீஷன பத்திரன, நுவான் துசார, அகில தனஞ்சய ஆகியோர் இடம்பெற்றுள்ளனர்.
சிம்பாப்வே கிரிக்கெட் அணி மூன்று போட்டிகள் கொண்ட ஒருநாள் தொடர் மற்றும் மூன்று போட்டிகள் கொண்ட ரி-20 தொடரில் விளையாடுவதற்காக இலங்கைக்கு கிரிக்கெட் சுற்றுப்பயணம் மேற்கொண்டுள்ளது.
இதில் தற்போது இரு அணிகளுக்கிடையிலான மூன்று போட்டிகள் கொண்ட ஒருநாள் தொடர் நடைபெற்றுவருகின்றது.
இதனைத்தொடர்ந்து 14ஆம், 16ஆம் மற்றும் 18ஆம் திகதிகளில் முறையே மூன்று ரி-20 போட்டிகள் நடைபெறுகின்றன. இப்போட்டிகள் மூன்றும் கொழும்பு ஆர்.பிரேமதாஸ மைதானத்தில் நடைபெறுகின்றது.
