சமூக வலைத்தளங்களில் பரவும் போலியான செய்திகள் தொடர்பான கேள்விகளுக்கு பதிலளிக்க தயாராக இல்லை என இலங்கை இருபதுக்கு 20 அணியின் தலைவர் வனிந்து ஹசரங்க தெரிவித்துள்ளார்.
கொழும்பு சினமன் கிராண்ட் நட்சத்திர ஹோட்டலில் நடைபெற்ற ஊடக சந்திப்பில் கலந்து கொண்டு கருத்து தெரிவிக்கும் போதே வனிந்து ஹசரங்க இதனை தெரிவித்துள்ளார்.
அணியின் தலைவராகவும் ஓர் அணியாகவும் எதிர்வரும் T20 உலகக் கிண்ணத்தை வெல்வதே தமது இலக்கு என்றும் வனிந்து ஹசரங்க குறிப்பிட்டுள்ளார்.
மேலும் இலங்கை அணியின் சிரேஷ்ட வீரரான ஏஞ்சலோ மத்தியூஸ் அணிக்குள் உள்வாங்கப்பட்டமை குறித்தும் அவரிடம் கேள்வியெழுப்பப்பட்டது.
இதற்கு பதிலளித்த அவர், மத்தியூஸ் கிரிக்கெட்டில் இருந்து ஓய்வை அறிவிக்கவில்லை என்றும் ஆகவே அவரை அணிக்குள் உள்வாங்குவதில் பிரச்சினை இல்லை என்றும் கூறினார்.
மேலும் மத்யூஸ் போன்ற வீரரின் அனுபவம் அணிக்கு அவசியம் என்றும் அது அவரது விளையாட்டில் பார்க்க முடியும் என்றும் வனிந்து ஹசரங்க தெரிவித்துள்ளார்.
