இலங்கை அணிக்கு எதிரான மூன்றாவதும் இறுதியுமான இருபதுக்கு 20 போட்டியில் சிம்பாவே அணி 82 ஓட்டங்களுக்குள் சுருண்டது.
ஆர்.பிரேமதாச மைதானத்தில் நடைபெற்றுவரும் இப்போட்டியில் நாணய சுழற்சியில் வெற்றிபெற்ற இலங்கை அணி முதலில் களத்தடுப்பை தெரிவு செய்தது.
அதன்படி முதலில் களமிறங்கிய சிம்பாவே அணியின் முதலாவது விக்கெட் முதலாவது ஓவரின் இரண்டாவது பந்தில் வீழ்ந்தது.
இதனை தொடந்து 3 ஆவது ஓவரில் 2 விக்கெட் இழக்க சிம்பாவே அணி 35 ஓட்டங்களை பெற்றுக்கொண்டது. தொர்டந்து 6 ஆவது ஓவரில் 51 ஓட்டங்களை அணி குவித்தபோது 3 ஆவது விக்கெட் வீழ்ந்தது.
சிக்கந்தர் ராசா 10 ஓட்டங்களோடு ஆட்டமிழக்க தொடந்து வந்த வீரர்கள் சோபிக்காததால் சிம்பாவே அணி 14.1 ஓவர்களில் அனைத்து விக்கெட்களையும் இழந்து 82 ஓட்டங்களை மாத்திரமே பெற்றுக்கொண்டது.
பந்துவீச்சில் இலங்கை அணி சார்பாக ஹசார்ங்க 4 விக்கெட்களையும் தீக்ஷண மற்றும் மத்தியூஸ் ஆகியோர் தலா 2 விக்கெட்களையும் வீழ்த்தினார்.
இதனை தொடந்து 83 ஓட்டங்கள் வெற்றி இலக்கோடு இலங்கை அணி பதிலுக்கு துடுப்பெடுத்தாடி வருகின்றது.
