முன்னணி இசையமைப்பாளர் இளையராஜாவின் மகள் பவதாரணி இன்று (வியாழக்கிழமை) காலமாகியுள்ளார்.
இவர் கல்லீரல் புற்றுநோயால் பாதிக்கப்பட்டு இலங்கையில் ஆயுர்வேத சிகிச்சை பெற்று வந்துள்ளதாக தெரிவிக்கப்பட்டுள்ளது.
இதேவேளை அவரது உடல் நாளை இந்தியாவிற்கு கொண்டுச் செல்லப்படவுள்ளது.
இவர் ‘பாரதி’ படத்தின் ‘மயில் போல பொண்ணு ஒண்ணு’ என்ற தமிழ் பாடலுக்காக சிறந்த பெண் பின்னணிப் பாடகிக்கான தேசிய திரைப்பட விருதை வென்றிருந்தார்.
மேலும் கொழும்பில் எதிர்வரும் 27 மற்றும் 28ஆம் திகதிகளில் இடம்பெறவுள்ள இசைநிகழ்ச்சியில் கலந்துகொள்ள இளையராஜா இலங்கை வந்துள்ளமையும் குறிப்பிடத்தக்கது.
