வர்த்தக நிலையத்தில் பாரிய தீ விபத்து

கொழும்பு – பஞ்சிகாவத்தை பகுதியில் உள்ள வாகன உதிரி பாகங்கள் விற்பனை செய்யும் வர்த்தக நிலையமொன்றில் தீ விபத்து ஏற்பட்டுள்ளது.

நேற்றிரவு பரவிய தீயினால் அருகில் உள்ள வர்த்தக நிலையங்களும் பாதிக்கப்பட்டுள்ளதாக மருதானை பொலிஸார் தெரிவிக்கின்றனர்.

தீயை கட்டுப்படுத்த 6 தீயணைப்பு வாகனங்கள் ஈடுபடுத்தப்பட்டதாக தெரிவிக்கப்பட்டுள்ளது.

தீ விபத்துக்கான காரணம் இதுவரை கண்டறியப்படாத நிலையில், மேலதிக விசாரணைகளை பொலிஸார் மேற்கொண்டு வருகின்றனர்.