அநுராதபுர மாவட்ட நாடாளுமன்ற உறுப்பினராக சந்திரசிறி முத்துகுமாரன இன்று சபாநாயகர் முன்னிலையில் நாடாளுமன்ற உறுப்பினராக பதவிப்பிரமாணம் செய்துக் கொண்டுள்ளார்
நாடாளுமன்றம் இன்று (செவ்வாய்கிழமை) சபாநாயகர் மஹிந்த யாப்பா அபேவர்த்தன தலைமையில் கூடியது.
இதன்போது, அநுராதபுர மாவட்ட நாடாளுமன்ற உறுப்பினராக சந்திரசிறி முத்துகுமாரன இன்று சபாநாயகர் முன்னிலையில் நாடாளுமன்ற உறுப்பினராக பதவிப்பிரமாணம் செய்துக் கொண்டார்.
இதேவேளை உத்திக பிரேமரட்ன நாடாளுமன்ற உறுப்பினர் பதவியில் இருந்து கடந்த 27 ஆம் திகதி விலகியதையடுத்து, அவரது பதவிக்கான வெற்றிடம் ஏற்பட்டிருந்தது.
இதற்கு, சந்திரசிறி முத்துகுமாரனவின் பெயர் வர்த்தமானியில் வெளியிடப்பட்டிருந்ததுடன் இவர், ஸ்ரீ லங்கா பொதுஜன பெரமுனவில் போட்டியிட்ட கடந்த பொதுத் தேர்தலில் 39,895 வாக்குகளை பெற்றிருந்தார் என்பது குறிப்பிடத்தக்கது.
