காசாவில் உடனடி போர்நிறுத்தத்திற்கு அழைப்பு விடுக்கும் வகையில் ஐ.நா. பாதுகாப்பு சபையில் தீர்மானம் ஒன்றை கொண்டு வந்து, இஸ்ரேலுக்கு அழுத்தம் கொடுக்க அமெரிக்கா தீர்மானித்துள்ளது.
இஸ்ரேல், ஹமாஸ் இடையிலான போர் தீவிரமடைந்துள்ளதால் காசாவின் நிலைமை நாளுக்கு நாள் மோசமாகி வருகிறது.
இதனால், அங்குள்ள மக்களுக்கு உதவிப்பொருட்கள் முறையாக சென்றடையாதமையால் மக்கள் பசி பட்டினியால் வாடுகின்றனர்.
எனினும் ஹமாஸ் அமைப்பினரை முற்றிலும் ஒழிக்கும் வரை தாக்குதலை நிறுத்தப்போவதில்லை என இஸ்ரேல் கூறி வருகிறது.
இந்த நிலையில் போரை நிறுத்துவதற்கு அமெரிக்கா, கட்டார் மற்றும் எகிப்து ஆகிய நாடுகள் பேச்சுவார்த்தைகளை நடத்தி வருகிறது.
அதற்கமைய, 6 வாரகால போர் நிறுத்தத்தை மையப்படுத்தி கட்டாரில் இன்று பேச்சுவார்த்தை ஒன்று நடைபெறவுள்ளதாக சர்வதேச ஊடகங்கள் செய்தி வெளியிட்டுள்ளன.
போர் நிறுத்த காலத்தில் ஹமாஸ் பிடியில் இருந்து இஸ்ரேல் பிணைக் கைதிகள் 40 பேரை விடுவிக்கவும், அதற்கு பதிலாக இஸ்ரேல் சிறைகளிலுள்ள ஆயிரக்கணக்கான பாலஸ்தீனர்களை விடுதலை செய்யவும் அனுமதிக்க வேண்டும் என்பதே இந்த பேச்சுவார்த்தையின் முக்கிய அம்சமாக உள்ளது.
மேலும், கடுமையான உணவு பற்றாக்குறையால் பஞ்சம் நிலவும் பகுதிக்கு மேலதிக உதவிப்பொருட்களை அனுப்புவதற்கும் இந்த போர்நிறுத்தம் வழி வகுக்கும் என கூறப்படுகிறது.
இதேவேளை, காசாவில் உடனடி போர்நிறுத்தத்திற்கு அழைப்பு விடுக்கும் வகையில் ஐ.நா. பாதுகாப்பு சபையிரல் தீர்மானம் ஒன்றை கொண்டு வந்து, இஸ்ரேலுக்கு அழுத்தம் கொடுக்கவும் அமெரிக்கா திட்டமிட்டுள்ளது.
இந்த நிலையில், இஸ்ரேல்- காஸா போர் தொடங்கியது முதல் ஆறாவது முறையாக இஸ்ரேல் பயணம் மேற்கொண்டுள்ள என்டனி பிளிங்கன் (யுவெழலெ டிடiமெநn), இஸ்ரேல் பிரதமர் பெஞ்சமின் நெதன்யாகுவைச் சந்தித்து உரையாடவுள்ளார்.
காஸாவின் தெற்குப் பகுதியான ராபா நோக்கி தனது போர் நடவடிக்கைகளை விரிவுபடுத்தும் இஸ்ரேலின் முடிவில் கருத்து வேறுபாடு கொண்டுள்ள அமெரிக்கா அதற்கான மாற்று வழிகளை இதன்போது முன்வைக்கவுள்ளதாகத் தெரிவிக்கப்பட்டுள்ளது.
முன்னதாக மத்திய கிழக்கு நாடுகளின் வெளியுறவுத் துறை அதிகாரிகளுடன் உரையாடிய பிளிங்கன், ராபாவில் இஸ்ரேல் மிகப்பெரும் ராணுவ நடவடிக்கை மேற்கொள்வது தவறானது என்றும் இதற்கு தாங்கள் ஆதரவு அளிக்க போவதில்லை என்றும் குறிப்பிட்டுள்ளார்.
ராபாவில் ஹமாஸை எதிர்கொள்ள மாற்று ஏற்பாடுகள் குறித்து பிளிங்கன் இதன்போது பேசவுள்ளார்.
இதன் தொடர்ச்சியாக அடுத்த வாரம் இஸ்ரேல் பாதுகாப்பு அமைச்சர் யோவ் காலண்ட் (லுழயஎ புயடடயவெ) உள்ளிட்ட உயர்மட்ட குழுவினர் அமெரிக்காவுக்கு செல்லவுள்ளமை குறிப்பிடத்தக்கது.
