குடிவரவு குடியகழ்வு திணைக்களத்தின் பிரதான அலுவலகத்தில் பொருத்துவதற்காக கொள்வனவு செய்யப்பட்ட பாதுகாப்பு கமரா உபகரணங்கள் 06 வருடங்களாக நிறுவப்படாமல் களஞ்சியசாலையில் இருப்பது கண்டறிப்பட்டுள்ளது
அதன்படி, அவற்றை உடனடியாக சரிசெய்வதற்கு தேவையான நடவடிக்கைகளை மேற்கொள்ளுமாறு குடிவரவு குடியகல்வு திணைக்களத்திற்கு அரசாங்க கணக்குகள் தொடர்பான குழுவின் தலைவரான இராஜாங்க அமைச்சர் லசந்த அழகியவன்ன தெரிவித்துள்ளார்
அதன்படி 2017ஆம் ஆண்டு 2.1 மில்லியன் ரூபா செலவில் கொள்வனவு செய்யப்பட்ட இந்த கமராக்களில் தேவையான அனைத்து உபகரணங்களும் இல்லை எனவும், அவற்றில் ஒரு பகுதியே கொள்வனவு செய்யப்பட்டுள்ளதாகவும் தெரியவந்துள்ளது.
மேலும் கொள்முதல் பணியில் ஈடுபட்ட அதிகாரிகளும் இடமாற்றம் செய்யப்பட்டுள்ளதாக தெரியவந்துள்ளது.
இதன்படி, பொது பாதுகாப்பு அமைச்சின் மேலதிக செயலாளர் தலைமையில் குழுவொன்றை நியமித்து, பாதுகாப்பு கமரா அமைப்பு பொருத்துவதற்கு நடவடிக்கை எடுக்குமாறும், மே 15 ஆம் திகதிக்கு முன்னர் முன்னேற்றங்களை தெரிவிக்குமாறும் சம்பந்தப்பட்ட அதிகாரிகளுக்கு அவர் அறிவித்துள்ளார்.
மேலும் 2020, 2021 மற்றும் 2022 ஆம் ஆண்டுகளுக்கான குடிவரவு மற்றும் குடியகல்வுத் திணைக்களத்தின் கணக்காய்வாளர் நாயகத்தின் அறிக்கைகள் மற்றும் தற்போதைய செயற்பாடுகளை ஆராய்வதற்காக அரசாங்கக் கணக்குக் குழு (COPA குழு) கூடியபோது, இந்த விடயம் குறித்து கவனம் செலுத்தப்பட்டிருந்தமை குறிப்பிடத்தக்கது.
