சுகயீன விடுமுறையை அறிவித்து அகில இலங்கை சிறைச்சாலை அதிகாரிகள் ஒன்றியம் இன்று முதல் எதிர்வரும் 22 ஆம் திகதிவரை தொழிற்சங்க நடவடிக்கையை ஆரம்பித்துள்ளது.
25,000 ரூபாய் சம்பள அதிகரிப்பை கோரி சிறைச்சாலை அதிகாரிகள் இந்த தொழிற்சங்க நடவடிக்கையில் ஈடுபட்டுள்ளனர். இந்தப் போராட்டமானது, இன்று முதல் எதிர்வரும் 22 ஆம் திகதிவரை தொடரும் என்று அகில இலங்கை சிறைச்சாலை அதிகாரிகள் ஒன்றியம் அறிவித்துள்ளது.
அத்தோடு, பல்கலைக்கழக கல்விசாரா ஊழியர்களினால் ஆரம்பிக்கப்பட்டுள்ள தொழிற்சங்க நடவடிக்கையும் தொடர்ந்து இடம்பெற்று வருகிறது.
இதன் காரணமாக முழு பல்கலைக்கழக அமைப்பும் பாதிக்கப்பட்டுள்ளதாக பேராதனை பல்கலைக்கழக தொழிற்சங்க பேரவையின் பொதுச் செயலாளர் டி சுரஞ்சீவ தெரிவித்துள்ளார்.
