ஸ்ரீலங்கா சுதந்திரக் கட்சியின் முன்னாள் தொகுதி அமைப்பாளரும் முன்னாள் அமைச்சருமான திஸ்ஸ கரலியத்த ஐக்கிய மக்கள் சக்தியுடன் இணைந்துள்ளார்.
இதன் போது கருத்துத் தெரிவித்த திஸ்ஸ கரலியத்த ”சஜித் பிரேமதாசவின் நாட்டைக் கட்டியெழுப்பும் வேலைத்திட்டத்திற்கு ஆதரவளிக்கும் நோக்கில் ஐக்கிய மக்கள் சக்தியுடன் தான் இணைந்துள்ளதாகத்” தெரிவித்துள்ளார்.
இந்த நிலையில் திஸ்ஸ கரலியத்த ஐக்கிய மக்கள் சக்தியின் மதவாச்சி பிரதேசத்தின் இணை அமைப்பாளராக நியமிக்கப்படவுள்ளார் எனத் தெரிவிக்கப்பட்டுள்ளது.
இதனிடையே ஸ்ரீலங்கா பொதுஜன பெரமுனவின் அம்பாறை மாவட்ட உறுப்பினர் திலக் ராஜபக்ஷவும் ஐக்கிய மக்கள் சக்தியுடன் இணைந்துள்ளார்.
திலக் ராஜபக்ஷ அம்பகவெல்ல பிராந்திய வைத்தியசாலை மற்றும் அம்பாறை சுகாதார வைத்திய அதிகாரியாகவும் , அம்பாறை பிராந்திய சுகாதார சேவைகள் அலுவலகத்தின் பணிப்பாளராகவும் பணியாற்றியுள்ளார் என்பது குறிப்பிடத்தக்கது.
