பாடசாலை மாணவன் ஒருவனின் தாக்குதலுக்கு உள்ளான மற்றுமொரு பாடசாலை மாணவன் உயிரிழந்த சம்பவம் ஹம்பாந்தோட்டை, சிப்பிக்குளம் பகுதியில் நேற்று இடம்பெற்றுள்ளது.
ஹம்பாந்தோட்டை பொலிஸ் பிரிவுக்கு உட்பட்ட சிப்பிக்குளம் பகுதியில் நேற்று மாலை பாடசாலை மாணவர்களுக்கிடையே மோதல் ஒன்று ஏற்பட்டுள்ளது.
இதில், 17 வயதுடைய பாடசாலை மாணவன் தாக்கியதில் 15 வயதுடைய மற்றுமொரு பாடசாலை மாணவன் உயிரிழந்துள்ளார்.
இதனையடுத்து தாக்குதல் நடத்திய மாணவன் கைது செய்யப்பட்டுள்ள நிலையில் இது குறித்த மேலதிக விசாரணைகளைப் பொலிஸார் முன்னெடுத்து வருகின்றனர்.
