டி20 உலகக் கிண்ண கிரிக்கெட் தொடரின் 11 ஆவது போட்டி நேற்று நடைபெற்றது.
இதில் பாகிஸ்தான் மற்றும் அமெரிக்கா அணிகள் மோதி இருந்தன . இந்த போட்டியில் நாணய சுழற்சியில் வென்ற அமெரிக்கா அணி முதலில் பந்துவீச்சு தெரிவுசெய்தது.
அதன்படி முதலில் துடுப்பெடுத்தாடிய செய்த பாகிஸ்தான் அணி 20 ஓவர்கள் முடிவில் 7 விக்கெட்டுகள் இழப்புக்கு 159 ஓட்டங்களை பெற்றது. பாகிஸ்தான் அணிக்கு அணி தலைவர் பாபர் அசாம் 44 ஓட்டங்களையும், ஷதாப் கான் 40 ஓட்டங்களையும் சேர்த்தனர்.
இதையடுத்து 160 என்ற இலக்கை நோக்கி துடுப்பெடுத்தாடிய அமெரிக்கா அணி துவக்கம் முதலே சிறப்பான ஆட்டத்தை வெளிப்படுத்தியது. அமெரிக்கா அணியின் தலைவர் மொனாக் படேல் 38 பந்துகளில் அரைசதம் கடந்து ஆட்டம் இழந்தார்.
அந்த அணி 20 ஓவர்களில் 3 விக்கெட்டுகளை மட்டுமே இழந்து 159 ஓட்டங்களை சேர்த்தது. இதன் காரணமாக போட்டி சமனில் முடிந்தது. இதனால் சூப்பர் ஓவர் கொண்டுவரப்பட்டது.
சூப்பர் ஓவரில் முதலில் துடுப்பாடிய அமெரிக்கா 1 விக்கெட் இழப்புக்கு 18 ஓட்டங்களை சேர்த்தது.
19 ஓட்டங்களை நோக்கி துடுப்பெடுத்தாடிய பாகிஸ்தான் அணி சூப்பர் ஓவரில் 1 விக்கெட் இழப்புக்கு 13 ஓட்டங்களை மட்டுமே சேர்த்தது. இதன் காரணமாக போட்டியில் அமெரிக்கா அணி 5 ஓட்டங்கள் வித்தியாசத்தில் வெற்றி பெற்றது.
இன்னிலையில் டி20 உலககக் கிண்ண தொடரின் 2 ஆவது சூப்பர் ஓவர் போட்டியாக இது அமைந்திருந்தமை குறிப்பிடத்தக்கது.
