அத்துருகிரிய படுகொலை சம்பவத்துடன் தெடர்புடைய வேன் ஒன்று புலத்சிங்கள பொலிஸ் பிரிவிற்குட்பட்ட பகுதியில் கண்டுபிடிக்கப்பட்டுள்ளது.
நேற்று (08) மாலை 6.15 மணியளவில் 119 அவசர இலக்கத்திற்கு கிடைத்த தகவலுக்கு அமைய புலத்சிங்கள, அயகம, தெல்மெல்ல பிரதேசத்தில் பாழடைந்த காணி ஒன்றில் இருந்து குறித்த வேன் கண்டுபிடிக்கப்பட்டுள்ளது.
குறித்த வேன் அயகமவில் இருந்து புலத்சிங்கள நோக்கி வந்துள்ளதாகத் தெரிவிக்கப்பட்டுள்ளது.
குறித்த வேனில் முன் மற்றும் பின் இலக்கத் தகடுகள் இல்லை எனவும், வருமான அனுமதிப் பத்திரத்தின் பிரதி ஒன்றும் முன் கண்ணாடியில் ஒட்டப்பட்டிருந்ததாகவும் தெரிவிக்கப்படுகிறது.
நேற்று காலை அத்துருகிரிய நகரில் மணிக்கூண்டு கோபுரத்திற்கு அருகில் உள்ள அழகுக் கலை நிலையமொன்றின் திறப்பு விழாவின் போது மர்ம நபர்கள் இருவர் நடத்திய துப்பாக்கிச் சூட்டில் பிரபல வர்த்தகரான கிளப் வசந்த மற்றும் 38 வயதுடைய நபர் ஒருவரும் உயிரிழந்துள்ளதுடன் பிரபல பாடகி கே.சுஜீவா உட்பட 4 பேர் காயமடைந்துள்ளனர் என்பதும் குறிப்பிடத்தக்கது.
