சிரேஷ்ட மேலதிக சட்டமா அதிபர் பாரிந்த ரணசிங்கவை சட்டமா அதிபராக நியமிப்பதற்கு அரசியலமைப்பு பேரவை அனுமதி வழங்கியுள்ளது.
சட்டமா அதிபராக கடமையாற்றிய சஞ்சய் ராஜரத்தினத்தின் பதவிக்காலம் கடந்த 26 ஆம் திகதியுடன் முடிவடைந்த நிலையில், சட்டமா அதிபர் பதவி வெற்றிடமாகவே இருந்தது.
இதனையடுத்து அந்த பதவியின் பணிகளை மேற்பார்வையிட பாரிந்த ரணசிங்க பதில் சட்டமா அதிபராக நியமிக்கப்பட்டார். இந்நிலையில், அவரை சட்டமா அதிபராக நியமிப்பதற்கு ஜனாதிபதி முன்வைத்த பரிந்துரைக்கு அரசியலமைப்புப் பேரவை அனுமதி வழங்கியுள்ளது.
பாரிந்த ரணசிங்க இலங்கையின் முன்னாள் பிரதம நீதியரசர் கே.ஏ.பாரிந்த ரணசிங்கவின் மகன் என்பதும் குறிப்பிடத்தக்கது.
