மட்டக்களப்பு, காத்தான்குடி பொலிஸ் பிரிப்புக்குட்பட்ட பூநொச்சிமுனை கிராமத்தில் உள்ள வீடொன்றினுள் வெடிப்புச் சம்பவம் ஒன்று இடம்பெற்றுள்ளது.
பூநொச்சிமுனை பச்சை வீட்டுத்திட்டம் குடியேற்ற கிராமத்தில் நேற்று இரவு 9 மணியளவில் இந்த சம்பவம் இடம்பெற்றுள்ளதாகப் பொலிஸார் தெரிவித்துள்ளனர்
வீட்டின் அறையொன்றிலேயே குறித்த வெடிப்புச் சம்பவம் இடம்பெற்றுள்ளது. இதன்காரணமாக பாரிய சேதங்கள் ஏற்படாத போதிலும் பாரியளவிலான சப்தம் கேட்டதாக பிரதேச மக்கள் தெரிவிக்கின்றனர்.
இதேவேளை நீல நிறத்திலான பொருள் ஒன்று வீட்டின் கூரையை உடைத்துக்கொண்டு வீழ்ந்துள்ளதாக வீட்டில் தங்கியிருந்தவர்கள் தெரிவிக்கின்றனர்.
சம்பவம் தொடர்பாக மட்டக்களப்பு மாவட்ட தடயவியல் பொலிஸ் பிரிவினர் தீவிர விசாரணைகளை மேற்கொண்டுள்ளதுடன் இராணுவத்தினரும் பொலிஸாரும் தொடர்ந்து விசாரணைகளை முன்னெடுத்துள்ளனர்.
