நாரஹேன்பிட்டியில் அமைந்துள்ள இலங்கை ராமன்ய மகா பீடத்தின் தலைமையகத்திற்கு இன்று காலை விஜயம் மேற்கொண்டிருந்த ஜனாதிபதி, வடக்கு, கிழக்கு அபிவிருத்தி தொடர்பாக தமிழ் நாடாளுமன்ற உறுப்பினர்களுடன் முன்னெடுத்திருந்த கலந்துரையாடல் தொடர்பாக விளக்கமளித்துள்ளார்.
ராமன்ய மகா பீடத்தின் பீடாதிபதி அக்கமஹா பண்டித விமல மகாநாயக்க தேரர் தலைமையிலான மகா சங்கத்தினரை சந்தித்து ஜனாதிபதி ஆசிகளையும் பெற்றுக்கொண்டார்.
இதன்போது மகாசங்கத்தினர் பிரித் பாராயணம் செய்து ஜனாதிபதியின் எதிர்கால பணிகளுக்கு தமது ஆசிகளைத் தெரிவித்தனர்.
ஜனாதிபதி தனது தேர்தல் பணிகளை ஆரம்பித்த பின்னர், இன்று காலை மகா சங்கத்தினரை சந்தித்துள்ளார்.
மகா சங்கத்தினருடன் சிறிது நேரம் கலந்துரையாடிய ஜனாதிபதி, நாட்டின் பொருளாதார மீட்சி மற்றும் எதிர்கால திட்டங்கள் குறித்து மகா சங்கத்தினருக்கு தெளிவுபடுத்தினார்.
அத்துடன், பிரிவெனாக் கல்வி தொடர்பாக எழுந்துள்ள பிரச்சினைகள், புனித பூமி சார்ந்த காணிப் பிரச்சினைகள் குறித்தும் அவதானம் செலுத்தப்பட்டதுடன், வடக்கு. கிழக்கு மாகாணங்களின் அபிவிருத்தி தொடர்பில் தமிழ் எம்.பி.க்களுடன் நடைபெற்ற கலந்துரையாடல்கள் குறித்தும் ஜனாதிபதி. மகாநாயக்க தேரருக்கு விளக்கமளித்துள்ளார்.
