வருடத்தின் ஒவ்வொரு மாதமும் ஒவ்வொரு விடயங்கள் பேசுபொருளாக அமைந்து விடும். ஆனால் ஒரு சில விடயங்களை வருடங்கள் கடந்தும் பேசி கொண்டிருக்கின்றோம் என்றால் அது எம்மை சார்ந்த உணர்வுகளின் நினைவுகளாக அமையும் .
அவ்வாறான ஒரு ரியலிட்டி நிகழ்ச்சி தான் பிக் பாஸ் . கமல்ஹாசன் தொகுத்து வழங்கும் இந்த நிகழ்ச்சியில் அவரின் ஆடைகள் , அவர் சொல்லும் கதைகள் , மறைமுக பேச்சுகள் , பரிந்துரை செய்யும் புத்தகங்கள் என்பனவற்றிற்காகவே நிகழ்ச்சியை பார்ப்பவர்கள் அதிகம் .
இந்நிலையில், பிக்பாஸ் சீசன் 8க்கு போட்டியாளர்களை தேர்வு செய்யும் பணிகள் சமூகவலைதளங்களில் அதிகமாக பகிரப்பட்ட ஒரு விடயமாக இருந்தது. தற்போது புது லோகோவுடன், புது ஹோஸ்ட் வர போகிறார் என எதிர்பார்த்து காத்திருக்க நேற்றைய தினம் அந்த எதிர்பார்ப்பும் பூர்த்தியானது .
அதற்கமைய , இனி பிக்பாஸ் நிகழ்ச்சி தொகுப்பாளராக விஜய்சேதுபதி தான் என்ற ப்ரோமோ வீடியோ வெளியாகியுள்ளது. எதையும் முகத்திற்கு சொல்லும் குணம் கொண்ட விஜய் சேதுபதி இந்த நிகழ்ச்சியில் எத்தனை பேரின் முகத்திரையை வெளிக்காணர போகிறார் என பொறுத்திருந்து பார்ப்போம்.
