இலங்கையின் புதிய ஜனாதிபதியாக தெரிவுசெய்யப்பட்டுள்ள அனுரகுமார திஸாநாயக்க, தனது இறையாண்மையுள்ள அதிகாரத்தை பயன்படுத்தி இலங்கை சிறையில் வாடும் அனைத்து இந்திய மீனவர்களையும் நல்லெண்ண அடிப்படையில் விடுவிக்க நடவடிக்கை எடுக்க வேண்டும் என இந்திய காங்கிரஸ் எம்.பி., ஆர்.சுதா வேண்டுகோள் விடுத்துள்ளார்.
இலங்கைக்கு ஒரு புதிய திசையை வழங்குவதற்கான உங்களின் உறுதியான நோக்கத்திற்கு இத்தகைய சைகை நிறைய வலு சேர்க்கும் என்றும் அவர் வலியுறுத்தினார்.
இது குறித்து மயிலாடுதுறை தொகுதியில் இருந்து தேர்ந்தெடுக்கப்பட்ட காங்கிரஸ் எம்.பி. ஜனாதிபதி அநுரகுமாரவுக்கு எழுதிய கடிதத்தில்,
மயிலாடுதுறை தொகுதியைச் சேர்ந்த 37 மீனவர்களை விடுவிப்பதன் மூலம் ஒரு நல்ல தொடக்கத்தை உருவாக்க முடியும், மேலும் 80 மீனவர்கள் மற்றும் 173 மீன்பிடி படகுகள் இலங்கையின் காவலில் இருப்பதாக அவர் சுட்டிக்காட்டினார்.
பாகிஸ்தான் போன்ற போர்க்குணமிக்க அண்டை நாடு உட்பட பல நாடுகளுடன் கடல் எல்லைகளை இந்தியா பகிர்ந்து கொள்கிறது. ஆனால், இலங்கையைப் போல அண்டை நாட்டு மீனவர்களைக் கைது செய்து, அபராதம் விதிப்பது, தாக்குவது, கொல்வது என்று எந்த நாடும் தவறிழைப்பதில்லை.
பிராந்தியத்தில் பொறுமை மற்றும் அமைதியை சோதிக்கும் வகையில் இலங்கை தரப்பிலிருந்து அடிக்கடி இவ்வாறான ஆத்திரமூட்டல் செயற்பாடுகள் வருகின்றன.
வங்காள விரிகுடா போன்ற பொதுவான கடல் பகுதியில் மீன்பிடிக்கும் மீனவர்களை குற்றவாளிகள் போல் நடத்த முடியாது.
எனவே, உங்கள் இறையாண்மை கொண்ட ஜனாதிபதி அதிகாரங்களைப் பயன்படுத்தி மீனவர்களையும், அவர்களது படகுகளையும் விடுவிக்குமாறு கேட்டுக் கொண்டார்.
