சுற்றுலா மேற்கிந்திய தீவுகள் மற்றும் இலங்கை அணிகளுக்கு இடையில் நடைபெறவுள்ள மட்டுப்படுத்தப்பட்ட ஓவர்கள் கொண்ட தொடருக்கான டிக்கெட் விலைகளை இலங்கை கிரிக்கெட் சபை உத்தியோகபூர்வமாக வெளியிட்டுள்ளது.
மேற்கிந்திய தீவுகள் சுற்றுப்பயணத்துக்கான ஒன்லைன் டிக்கெட் விற்பனை எதிர்வரும் அக்டோபர் 6 ஆம் திகதி தொடங்கவுள்ளது.
பொதுமக்கள் www.srilankacricket.lk ஐப் பார்வையிடுவதன் மூலம் டிக்கெட்டுகளை வாங்கலாம் என்று ஸ்ரீலங்கா கிரிக்கெட் தெரிவித்துள்ளது.
ஒக்டோபர் 10 ஆம் திகதி முதல் கொழும்பு வித்யா மாவத்தை மற்றும் தம்புள்ளை ஆர்.டி.ஐ.சி.எஸ் ஆகிய இடங்களில் டிக்கெட் கவுன்டர்கள் திறக்கப்படும்.
டி20 போட்டி நாட்களில், டிக்கெட்டுகள் தம்புள்ளை பிரதேச சபை அலுவலகத்திலிருந்து விற்கப்படும். PICS, பல்லேகல கவுண்டர் ஒக்டோபர் 18 முதல் திறக்கப்படும்.
ஒருநாள் போட்டி நாட்களில், டிக்கெட்டுகள் பலகொல்ல அபீத மைதானத்தில் இருந்து வழங்கப்படும்.
500 தொடக்கம் 10,000 ரூபா வரை டிக்கெட்டுகளின் விலை நிர்ணயிக்கப்பட்டுள்ளது.
இரு அணிகளுக்கும் இடையிலான மூன்று போட்டிகள் கொண்ட டி20 தொடரின் முதல் போட்டியானது தம்புளையில் ஒக்டோபர் 14 ஆம் திகதி ஆரம்பமாகும் என்பதும் குறிப்பிடத்தக்கது.
