நடைபெற்றுவரும் 9ஆவது மகளிர் T20 உலகக்கிண்ணக் கிரிக்கெட் தொடரில் இந்திய வீராங்களைகள் நடந்துகொண்ட விதம் குறித்து ஐ.சி.சி. கண்டனம் தெரிவித்துள்ளது.
மகளிர் T20 உலகக்கிண்ணத் தொடரானது ஐக்கிய அரபு எமிரேட்சில் உள்ள ஷார்ஜா மற்றும் டுபாயில் நடைபெற்று வருகிறது.
இதில் நேற்று முன்தினம் இடம்பெற்ற போட்டியில் இந்திய அணி 6 விக்கெட் வித்தியாசத்தில் பாகிஸ்தானை தோற்கடித்தது. இதில் 3 விக்கெட் வீழ்த்திய இந்திய வேகப்பந்து வீச்சாளர் அருந்ததி ரெட்டி ஆட்டநாயகி விருதை பெற்றார்.
இதற்கு முன்னதாக அவர், பாகிஸ்தான் வீராங்கனை நிதா தரை போல்டாக்கியதும், ஆக்ரோஷமாக வெளியே போ என்பது போல் சைகை காட்டினார். இது வீராங்கனைகளின் நடத்தை விதியை மீறிய செயல் என்று கண்டித்துள்ள சர்வதேச கிரிக்கெட் கவுன்சில் (ஐ.சி.சி.) அவருக்கு ஒரு தகுதி இழப்பு புள்ளியை விதித்துள்ளது.
அடுத்த 2 ஆண்டுக்குள் அவரின் தகுதி இழப்பு எண்ணிக்கை 4-ஐ எட்டினால் போட்டிகளில் பங்கேற்க தடை விதிக்கப்படும் என்பதும் குறிப்பிடத்தக்கது.
