வெல்ஷ் குத்துச்சண்டை வீரர் லியாம் வில்லியம்ஸ் (Liam Williams) தனது மூளையதிர்ச்சி பிரச்சினையை முன்னிலைப்படுத்தி விளையாட்டிலிருந்து ஓய்வு பெறுவதாக அறிவித்துள்ளார்.
32 வயதான லியாம் வில்லியம்ஸ் உலக சம்பியன் பட்டத்தை வெல்லாத சிறந்த வெல்ஷ் வீரர்களில் ஒருவராக நினைவுகூரப்படுபவர்.
எனினும், பிரிட்டிஷ், ஐரோப்பிய மற்றும் காமன்வெல்த் பட்டங்களை வென்றுள்ள அவர், போட்டிகளின் போது, தலையில் அடிகளை வாங்கி மூளைக்கு மேலும் சேதம் ஏற்படுவது தொடர்பான கவலைகளை முன்னிறுத்தி தனது புகழ் பூத்த குத்துச்சண்டை வாழ்க்கையி இருந்து ஓய்வு பெறுவதாக அறிவித்தார்.
ஓய்வு குறித்த அறிவிப்பில் வில்லியம்ஸ், பிரிட்டிஸ் வீரர் கிறிஸ் யூபாங்க் உடனான போட்டியின் பின்னர் தான் மூளையதிர்ச்சியால் பாதிக்கப்பட்டுள்ளதை அறிந்ததாகவும், எனினும், அந்த தகவலை வெளியிட்டு தனது ரசிகர்களை கவலையில் ஆழ்த்த விரும்பவில்லை என்றும் குறிப்பிட்டார்.
வில்லியம்ஸ் ஒருமுறை 18 மாதங்களில் நான்கு மூளையதிர்ச்சிகளைச் சந்தித்ததாகவும் தெரிவித்துள்ளார்.
இந்த நிலையில் வில்லியம்ஸ் 25-5-1 என்ற சாதனையுடன் ஓய்வு பெற்றுள்ளார்.
அவர் தனது வீட்டின் பின்புறத்தில் ஒரு உடற்பயிற்சி கூடத்தை கட்டியுள்ளார் மற்றும் தற்போது சில தனிப்பட்ட பயிற்சிகளை மேற்கொண்டு வருகிறார், மேலும் அவர் பயிற்சியாளராக குத்துச்சண்டைக்கு திரும்புவதைப் பற்றி யோசித்து வருவதாகவும் கூறியுள்ளார்.
