கிரிக்கெட் ரசிகர்களால் பெரிதும் எதிர்பார்க்கப்படும் ஐ.பி.எல் மெகா ஏலம் வரும் 24, மற்றும் 25 ஆம் திகதிகளில் நடைபெறும் எனத் தகவல் வெளியாகியுள்ளது.
இந்தியா அவுஸ்திரேலியா அணிகளுக்கு இடையேயான 5 டெஸ்ட் போட்டிகள் கொண்ட தொடர் வரும் 22 ஆம் திகதி பெர்த் மைதானத்தில் ஆரம்பமாகியது.
முதல் டெஸ்ட் 22 முதல் 26ஆம் திகதிவரை நடைபெறவுள்ள நிலையில் இதற்கிடையே சவுதி அரேபியா தலைநகர் ரியாத்தில் ஐபிஎல் மெகா ஏலம் நடைபெறவுள்ளதாகத் தெரிவிக்கப்பட்டுள்ளது.
இந்தியா, அவுஸ்திரேலியா டெஸ்ட் போட்டியை ஒளிபரப்ப உரிமம் பெற்றுள்ள டிஸ்னி ஹாட்ஸ்டார் ஐபிஎல் மெகா ஏலத்தை ஒளிபரப்பும் உரிமத்தையும் பெற்றுள்ளது.
அவுஸ்திரேலியாவுக்கும், சவூதி அரேபியாவுக்கு 8 மணி நேரம் வித்தியாசம் என்பதால் டெஸ்ட் போட்டி ஒளிபரப்பு முடிந்த பிறகு பிற்பகலில் ஐபிஎல் மெகா ஏலத்தை நடத்தும் வகையில் திட்டமிட்டுள்ளதாகக் கூறப்படுகிறது. அத்துடன் இதற்கான அதிகாரபூர்வ அறிவிப்பை பி.சி.சி.ஐ விரைவில் வெளியிடும் என்றும் எதிர்பார்க்கப்படுகிறது.
