நான்கு தசாப்த கால சினிமா வாழ்க்கையில் துணை வேடங்களில் பன்முகத் திறமையால் அறியப்பட்ட புகழ்பெற்ற தமிழ் நடிகரான டெல்லி கணேஷ் (Delhi Ganesh) உடல்நலக் குறைவு காரணமாக சென்னையில் சனிக்கிழமை (09) இரவு காலமனார்.
இறக்கும் போது அவருக்கு வயது 80 ஆகும்.
அவரது மறைவை உறுதிப்படுத்தும் ஒரு இதயப்பூர்வமான அறிக்கையை அவரது குடும்பத்தினர் பகிர்ந்துகொண்டனர்.
அந்த அறிக்கையில்,
நவம்பர் 9 ஆம் திகதி இரவு சுமார் 11 மணியளவில் எங்கள் தந்தை திரு. டெல்லி கணேஷ் காலமானார் என்பதைத் தெரிவிக்க மிகவும் வருந்துகிறோம்.
அவரது உடல் தற்போது சென்னை ராமாபுரத்தில் வைக்கப்பட்டுள்ளது, இறுதி சடங்குகள் நவம்பர் 11 ஆம் திகதி நடத்துவதற்கு திட்டமிடப்பட்டுள்ளதாக தெரிவிக்கப்பட்டுள்ளது.
டெல்லி கணேஷ், நகைச்சுவை, முக்கியமான துணை கதாப்பாத்திரம் மற்றும் வில்லன் ஆகிய கதாப்பாத்திரங்களில் சுமார் 400 க்கும் மேற்பட்ட படங்களில் நடித்துள்ளார்.
சூப்பர் ஸ்டார் ரஜினிகாந்த், உலக நாயகன் கமல் ஹாசன் ஆகியோருடன் திரையுலகில் ஒன்றாக பல திரைப்படங்களில் நடித்துள்ள அவர், தமிழ் சினிமாவில் தனக்கென ஒரு இடத்தையும் பெற்றிருந்தார்.
